అమ్మలార నాన్నలార

అమ్మలార నాన్నలార ఎక్కడ మీ స్థానం ఏమిటి మీ గమ్యం
 బ్రతికినన్ని నాళ్ళంతా రెక్కలు ముక్కలు చేసి 
మీ కండలు పిండి చేసి  మీ రక్తం ధారపోసి
ఇదిగోరా పాల బువ్వ అదిగోరా వెన్న బువ్వ
అని నోటికి అందిస్తే అపురూపం గా చూస్తే
మీ రెక్కలు తెగిన నాడు మీ డొక్కలు మాడునాడు
ఆదరించి అనునయించి ఆకలి తీర్చేవారు 
నేనున్నా మీకంటూ ధైర్యం చెప్పేవారు వున్నారా ఎవరైనా
వచ్చారా వచ్చారా ఒకరైనా
పెద్ద పెద్ద భవనాలలో ఆవాసం మీరిస్తే మారు మూల గుడిసెల్లో
మీ వాసం వారిస్తే పిడికిలంత గుండె పగిలి
ముక్కలు చెక్కలుగ మారి
రాబోయే చావు కొరకు రాణి సొంతవారి కొరకు
ఎదురు చూసి ఎదురు చూసి 
నేల రాలిపోయేరా
దూళిలోన కలిసేరా